Агенцијата за управување со одземен имот подари комбе на џамија во Арачиново. Директорот на Агенцијата, Дритон Небиу на официјалнит Фејсбук-профил информираше дека Арачиново не е заборавена општина и заслужува грижа, особено од државните институции.

Според објавата на Небиу и документот што е објавен се работи за возило од марката „Цитроен Џампер“.

Агенцијата за управување со одземен имот основана со Законот за управување со конфискуван имот, имотна корист и одземени предмети во делот на конфискацијата презема широк спектар на мерки со кои треба да ја задржи вредноста на имотот преку забрана за негово отуѓување, преку негово поставување во соодветен магацински простор, продавање или раководење со замрзнатиот имот. Мерката зависи од природата на имотот.

Преку Агенцијата се обезбедува конзистентна правна рамка, која го регулира начинот на управување и постапување со конфискуваниот имот и одземените предмети, соодветно управување на надлежните органи, засновано врз начелата на законитост, економичност и ефикасност.