Соединетите Американски Држави внимателно ги следат случувањата во правосудниот систем, конкретно владиниот предлог за разрешување на републичкиот јавен обвинител Љупчо Коцевски, но и поднесените интерпелации од страна на пратеничките групи на ВМРО-ДПМНЕ, Вреди и ЗНАМ до Собранието за петмината членови на Судскиот совет, кои се избрани од законодавниот дом и она што сакаме да го видиме е дека во сите процеси се почитува законот, вели американската амбасадорка Анџела Агелер.

Одговарајќи на новинарско прашање да даде коментар за владиниот предлог за разрешување на Коцевски, Агелер кусо одговори дека нема коментар, но дека го следат процесот.

– Немам коментар, запознаена сум и го следиме процесот, според моите сознанија во тек е процесот согласно законските процедури и одблиску го следиме, одговори кусо Агелер, по примопредавање на мобилно оперативно возило за Црвен крст.

Во врска со случувањата во Судскиот совет исто така не навлегуваше во детали и само кусо одговори дека со години посочуваат за овој проблем, но и за други аспекти на правосудниот систем.

– Одблиску го следиме и тој процес. Очигледно со години посочуваме во однос на Судскиот совет, но и за други аспекти на правосудниот систем, постојат законски процедури и според моите сознанија тој процес е во тек и одблиску ги следиме состојбите и сакаме да видиме дека законот се почитува, одговори американската амбасадорка.

Обвинителот Коцевски убеден во својата невиност