Агатангел ги повикува верниците да се собираат во црквите
Повардарската епархија, на чело со владиката Агатангел, ги повикува православните верници од местата што се под таа епархија утре и во сабота да одат во црквите, бидејќи има забрана за одење на гробишта за Задушница како мерка против ширењето на вирусот.
„Со оглед на новонастанатата состојба во нашата држава, а заради пандемијата со ковид-19, која се однесува на забраната за посетување на гробните места за денот на покојните – Духовденска задушница, се известуваат и повикуваат сите верни чеда на Повардарската православна епархија од сите населени места кои се наоѓаат во нејзиниот состав, во деновите 5.6.2020 (петок) и 6.6.2020 (сабота), во периодот од 8 до 14 часот, да дојдат во храмовите (дворовите на храмовите) и со себе да понесат варена пченица, црвено вино и список со своите претходно упокоени блиски роднини и пријатели“, се вели во соопштението на Епархијата.
Овој повик за масовно собирање на верниците во црквите доаѓа во момент на вонредна состојба и полициски час во целата држава, како и тридневен карантин во најзагроните општини, како и во момент кога епидемијата урива рекорди во бројот на заразени на дневно ниво.