Голманот на репрезентацијата на Ангола до 17 години, 16-годишниот Желсон Дала беше прогласен за играч на натпреварот по ремито без голови против Мали на отворањето на Африкански куп на нации за кадети. Сепак, неговиот одличен настап, во кој запиша шест интервенции, остана во сенка поради фотографијата со наградата.

Африканска фудбалска конфедерација објави фотографија од Дала со трофејот за најдобар играч на мечот, а социјалните мрежи буквално „експлодираа“.

Во центарот на вниманието веднаш се најде изгледот на младиот голман, бидејќи многумина не веруваат дека навистина има само 16 години. Дала настапува за младинските категории на Петро де Луанда, но изгледа значително постаро од официјално пријавената возраст.

Не требаше долго време за на интернет да се појават и бројни саркастични коментари.

„Веќе е ќелав?“, „Се пријавил со изводот на син му“, „Најстариот У17 фудбалер во светот“, „Можеби мислеле дека игра за У71 тим?“, „Зумирајте ја фотографијата и ќе видите дека има и седи влакна“, „Овој ја памети и колонизацијата на Африка“, „Постар е и од таткото на Јамал“, „Тој игра фудбал веќе 16 години“, „Сигурно сопругата и децата му се горди на оваа награда“, беа дел од најинтересните реакции на објавата на КАФ.

A complete performance from Gelson Dala earns him the TotalEnergies Man of the Match award. 👏🇦🇴@Football2Gether | #TotalEnergiesAFCONU17 pic.twitter.com/1CyhYslWwF

— CAF Online (@CAF_Online) May 14, 2026