Делегација на западноафриканските земји пристигна во Нигер во обид да ја реши кризата
Делегација на Економската заедница на западноафриканските држави (ЕКОВАС) пристигна во главниот град на Нигер, Ниамеј, за да се обиде да најде решение за кризата, осум дена по државниот удар со кој беше соборен претседателот Мохамед Базум.
Делегација на ECOWAS, предводена од поранешниот претседател на соседна Нигерија, Абдулсалами Абубакар, треба да се сретне со „пучистите“во Нигер за да им ги достави барањата на лидерите на таа панеафриканска организација, се вели во соопштението за медиумите од претседателството.
ECOWAS воведе остри санкции против Нијамеј и им даде на пучистите рок до недела да го вратат избраниот претседател Мохамед Базум, соборен на 26 јули, и се закани дека ќе употреби сила ако не го сторат тоа.
Кризата во земјата ги натера западните земји да почнат со евакуација на свооите државјани од земјата. Пучот во земјата наиде на силни осуди од западните земји кои на Нигер гледаат последен сигурен партнер во борбата против џихадистите на Ал Каеда, Исламска држава и Боко Харам во регионот на Сахел.