Неименуван тркачки возач е обвинет за силување на една од медицинските сестри на Михаел Шумахер во семејниот дом на легендата на Формула 1, јавуваат светските медиуми.

Според обвинителите, неименуваниот возач, кој е пријател на синот на Шумахер, Мик, ја силувал медицинската сестра додека престојувал во семејниот дом во Гланд, Швајцарија, каде што е сместена легендата на Ф1.

Обвинението датира од 2019 година, но сега излезе на виделина. Возачот, во доцните триесетти години, престојувал на имотот и ја силувал медицинската сестра во спалната соба на горниот кат по ноќна забава со пиење коктели од вотка, соопштија обвинителите.

Наводната жртва се грижела за седумкратниот светски шампион во Ф1. Ниеден член на семејството Шумахер не е вмешан во обвинувањата.

Во времето на наводното злосторство, возачот, кој не е именуван, но е професионален тркачки возач на автомобили едноседи, бил пријател со Мик, кој сега има 26 години.

Се вели дека групата пиела вотка и медицинската сестра се почувствува лошо. Колегите ја вратиле во нејзината соба пред да ја однесат во кревет. Кратко потоа, возачот е обвинет дека влегол во собата и ја силувал. Тој е обвинет дека имал секс со медицинската сестра двапати додека таа била во несвесна состојба.

Медицинската сестра поднесе кривична пријава две години подоцна, во јануари 2022 година, а судењето требаше да започне вчера.