Зизу во „кралска“ мисија: Реал ќе инкасира 300 милиони евра!
Во Шпанија сезонава не беа ниту блиску во конкуренција за титулата, во Лигата на шампионите беа елиминирани уште во осминафиналето од Ајакс, а во Купот беа декласирани од Барса.
Едер Милитао и Родриго се веќе договорени, а се финализираат деталите околу Еден Азар, Лука Јовиќ и Ферланд Менди. Уште ако се успее во намерата да се ангажира играч како на пример Пол Погба, вкупната инвестиција за засилувања би можела да ја надмине бројката од 400 милиони евра.
El Real Madrid trabaja para ingresar más de 300 millones en ventas https://t.co/CnVbpLC4RZ vía @marca
— VÍA DEPORTIVA ⚽⚾??? (@viadeportivave) May 27, 2019
Можни се и санкции поради кршењето на финансискиот фер плеј ако не продаваат доволно играчи.
– Клубот мора да дојде до одреден износ со цел да се задоволи финансискиот фер плеј, а во тоа би помогнала продажбата на Иско, Герет Бејл и Хамес Родригез. Проблемот е што сите сакат да останат. Иско сака да се бори за место во стартниот состав, но „кралскиот“ клуб сериозно ги гледа понудите од Премиер лигата и Серија А чии цени достигнуваат и до 60 милиони евра – пишува шпанската „Марка“.
Потоа, Баерн не сака да го задржи Родригез, но Јуве и ПСЖ би можеле да платат околу 70 милиони. Велшанецот Бејл ги разочара своите навивачи со своето однесува во последниот лигашки пораз, а ниту тренерот Зидан не „смета“ повеќе на неговите услуги. Бејл по сезона заработува 17 милиони евра.
Воедно се очекува Реал да заработи и од продажбата на хрватскиот играч, Матео Ковачиќ кој најверојатно ќе направи трансфер во редовите на Челзи за нешто повеќе од 35 милиони евра.
Останати кандидати за продажба која споменатиот извор ги објавува се уште Кејлор Навас, Дани Себалос, Лукас Васкез, Мариано Диаз, Раул Де Томас, Борја Мајорал и Тео Хернандез.