Герет Бејл еден од главните носители во играта на „кралевите“, од клупата и тоа со смеење заедно со соиграчите Иско и Крос го гледаа новиот разочарувачки пораз.

Велшкиот интернационалец наиде на лавина критики од страна на навивачите поради неговото однесување, по што веднаш се објавија шпекулации за негово итно заминување.

Тренерот Зидан после мечот изјави дека немал никаква намера да му даде шанса да настапи Бејл, дури и да имаше правило за четири замени.

Има договор до 30 јуни 2022 година, со четири освоени титули со клубот во Лигата на шампионите, а францускиот стратег не ги сака повеќе неговите услуги.

Фановите исто така се надеваат дека уште ова лето ќе го напушти Реал, но Бејл шокираше со својата изјава:

– Имам уште три години во својот договор. Ако сакаат да си одам, ќе мора да ми платат 17 милиони евра по сезона. Ако не сакат да ми исплатат, тогаш ќе останам тука и ќе играм голф во наредните три години – вели Бејл.

Ваквите зборови ги разочараа навивачите чии мислења се дека фудбалерот не покажал апсолутно ништо вредно 105 милиони евра колку што беше платен во летото 2013 година кога дојде од редовите на Тотенхем.