Жрепката на 6 мај, познати сите учесници на Европското првенство 2022
Вечерва и официјално завршија квалификациите за пласман на следното Европско првенство од 13 до 20 јануари 2022 година кое ќе се одржи во Унгарија и Словачка.
На овој континентален собир ќе учествува и најдобрата македонска репрезентација која денеска го запиша и петтиот триумф, совладувајќи ја по вторпат Швајцарија.
За нашата селекција предводена од селекторот и капитен Кирил Лазаров ова ќе биде шесто учество по ред на еврошампионатите.
Европската ракометна федерација (ЕХФ) веднаш ги објави сите 24 учесници на ЕП, а воедно најави дека жрепката за извлекување на групите ќе се одржи на 6 мај.
Покрај организаторите, Унгарците и Словаците, на Европското првенство ќе настапат уште финалистите од минатото ЕП, Шпанија и Хрватска, како и селекциите кои успеаја тоа да го направат преку квалификациите, Србија, Германија, Шведска, Данска, Русија, Македонија, Словенија, Белорусија, Норвешка, Португалија, Франција, Исланд, Чешка, Холандија, Австрија, Црна Гора, Боснаи и Херцеговина, Полска, Литванија и Украина.