Оливие Жиру нема редовна минутажа кај менаџерот на Челзи, Френк Лампард, па вчера и самиот потврди дека дојде време за разделба со екипата од „Стемфорд Бриџ“.

– Тешко дека ќе останам во Челзи. Ќе зборувам со менаџерот, секако, големи се шансите дека ќе си одам, бидејќи немам доволно шанси за настап. Ќе разговараме, ќе ги гледаме сите опции и ќе одлучам што е најдобро за мене – рече Жиру.

Би можел да се врати во Франција, во трката се наоѓаат Лион и Бордо, а се шпекулира и можен трансфер во Интер или Атлетико Мадрид.

Според „Л`Екип“, услугите на Жиру ги посакува и менаџерот на шкотскиот гигант Ренџерс на чија клупа е славниот Стивен Џерард.

Францускиот напаѓач има договор со Челзи до крајот на сезоната, па во јануари ќе преговара со други екипи.