Жени во Македонија кои го рушат стереотипот за машка професија

Жени работнички / Фото Илустрација Jemastock / Alamy / Alamy / Profimedia

„Слободен печат“ во знак на Светскиот ден на жената 8 март, во потрага по жени кои со својата работа ги рушат стереотипите за одредени машки професии.
Оваа седмица ја посветуваме на храбрата „понежна половина“ и преку нашиот серијал ве запознаваме со неколку дами кои се единствени, уникатни и посебни по својата работна позиција.

Серијалот го започнуваме со епизодата за челичната дама, Марија Дуковска Павловска, генерална директорка на „Макстил“. За тоа како е да се биде лидер во челичната индустрија, во која доминираат мажите како вработени, дознаваме низ разговорот на Весна Дамчевска со Дуковска Павловска.
Единствениот дипломиран оџачар во Македонија е жена и тоа е така веќе девет години. Професорката и архитект Јасмина Атанасова Симјаноска беше главна инспирација за да се зголеми бројот на жени оџачарки кај нас. Што опфаќа професијата оџачар дознавате низ разговорот на Александра Вуксановиќ со Атанасова Симјаноска.

Во земјава имаме и меѓународен сертифициран консултант за доење, се работи за медицинската сестра ‍ Јасна Апостолски – Николов. Во женскиот свет улогата мајка е една од најважните, за младите мајки овој непознат свет носи страв и несигурност, потребата од помош и поддршка е многу важна.

Агнеса Чаволи разговараше со Апостолски – Николов, следете ја нашата програма, до крајот на оваа седмица во нашата емисија ќе биде емитуван и овој разговор.

Во рамките на овој серијал ќе ви прикажеме неколку жени кои работат во нестандардни професии прикажувајќи го современото општество и стремежот на жената за еднаквост.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот