Жена фрлила пепел во двор и направила хаос – пожарот загрозил куќи, зафатил 1,5 хектар
Жена од делчевско предизвикала голем пожар во селото Тработивиште, откако фрлила неизгасната пепел во својот двор, соопшти МВР.
„СВР Штип поднесе кривична пријава против М.Ж. (63) од с.Тработивиште, делчевско, поради постоење основано сомнение за сторено кривично дело „предизвикување општа опасност”. На 19.02.2023 околу 14.00 часот во дворното место на нејзината семејна куќа во с.Тработивиште, таа фрлила неизгасната пепел и предизвикала пожар“, велат од полицијата.
„Поради ветрот, пожарот се проширил во околината, на имотите и дворовите на соседите, со што била опожарена површина од околу 1,5 хектари, а биле доведени во опасност и куќи на соседите“, се додава во соопштението.