Зеленски подготвен да учествува во преговорите на форматот „Нормандиска четворка“

Володимир Зеленски
Украински претседател Володимир Зеленски/Фото: EPA-EFE/SERGEY DOLZHENKO

Украинскиот претседател Владимир Зеленски ја потврди подготвеноста да учествува во преговорите на форматот „Нормандиска четворка“ за решавање на ситуацијата во Донбас, во која, покрај Украина, се и Русија, Германија и Франција.

„Сепак, разговорите зависат од Москва“, рече Зеленски во интервју за неколку украински ТВ канали.

– Уште еднаш ја потврдувам подготвеноста да учествувам во форматот Нормандија. Верувам дека ќе има состанок, но сè зависи од Русија. Нема потреба да се прифаќа топката од некои руски медиуми – рече Зеленски, алудирајќи на одредени медиуми кои објавија дека Киев е наводно виновен за одложување на преговорите, пренесува руската агенција ТАСС.

Рускиот заменик началник на Генералштабот Дмитриј Козак во јуни рече дека нема смисла да се подготвува за самитот на Нормандиската четворка поради недостаток на напредок во однос на спроведувањето на претходните договори.

Нормандиската четворка е основана на 6 јуни 2014 година, кога лидерите на Русија, Франција, Германија и Украина првпат разговараа за начините за решавање на конфликтот во Донбас за време на прославата на 70-годишнината од сојузничките десанции во францускиот регион Нормандија.

Оттогаш се одржаа пет самити, од кои последниот беше во Париз на 9 декември 2019 година.

Видео на денот