Еден од најдобрите, најискусните македонски репрезентативци, Горан Пандев, кој многу години настапува на италијанско тло, моментно ги брани боите на Џенова и воедно се наоѓа во одлична форма, односно е прв стрелец на клубот сезонава со седум голови.

Нашиот напаѓач се огласи на социјалните мрежи со барање да се одложи полуфиналниот дуел од УЕФА Лигата на нации за пласман на ЕП 2020 помеѓу Македонија и Косово кој што првично е најавен за 26. март.

Претходно е донесена одлука во Италија сите спортски активности да се прекинат до 3. април поради епидемијата на коронавирусот.

View this post on Instagram

Za mene plasmanot so Makedonija na Evropsko prvenstvo e mnogu poveke od site osvoeni tituli.Ziveeme za slika od nasiot stadion so tribini pokrieni od navivaci vo crveno-zolta boja koi ke ni dadat sila i motiv da go nadopolnime se ona sto fudbalski go propustivme vo poslednite 20-godini.Dajte ni sansa za vistinski spektakl,dajte ni sansa so nasite navivaci da se raduvame na pobeda i da bideme na cekor od evropsko prvenstvo.Zdravjeto e naj vazno i sekogas se molime za toa.No dajte ni moznost da go ostvarime i se ona za sto sme sonuvale kako deca.Za dobroto na site,odlozeto go natprevarot.I zaradi zdravjeto i zatoa sto e fer i sportski……#napredmakedonija????❤

A post shared by Goran Pandev (@goranpandev19) on Mar 10, 2020 at 10:54am PDT

Воедно македонската Влада на денешнатата седница донесе забрана сите спортски настани во следните 30 дена да се играат без присуство на публика.

– За мене пласманот со Македонија на Европско првенство е многу повеќе од сите освоени титули. Живееме за слика од нашиот стадион со трибини покриени од навивачи во црвено-жолта боја кои ќе ни дадат сила и мотив да го надополниме сè она што фудбалски го пропуштивме во последните 20-години.

Дајте ни шанса за вистински спектакл, дајте ни шанса со нашите навивачи да се радуваме на победа и да бидеме на чекор од Европско првенство.

Здравјето е најважно и секогаш се молиме за тоа. Но, дајте ни можност да го оствариме и сè она за што сме сонувале како деца. За доброто на сите, одложете го натпреварот. И заради здравјето и затоа што е фер и спортски – напиша Пандев на својот „Инстаграм“ профил.

Во текот на својата клупска кариера со Интер има две титули во Купот на Италија, по една во Серија А, Суперкупот на Италија, Лигата на шампионите и ФИФА Светското клупско првенство. Со Лацио го освои Купот на Италија, а во истото натпреварување двапати беше шампион со Наполи.

Претходно истото барање за одложување на овој меч преку својот Фејсбук профил испрати уште еден репрезентативец, играчот на унгарскиот клуб Мол Фехервар, Бобан Николов.