Заврши трпението на Мицкоски, опозицијата излегува на улица – Слободен печат
ВестиМакедонија

Заврши трпението на Мицкоски, опозицијата излегува на улица

Претседателот на ВМРО-ДПМНЕ рече дека како партија му дале шанса на процесот за влез во Европската Унија. Најави дека ќе дојдат луѓе кои ќе знаат како Македонија да ја внесат во европското семејство.

Опозицискиот лидер Христијан Мицкоски од Гевгелија им порача на граѓаните да веруваат во подобра иднина и најави дека од денеска ВМРО – ДПМНЕ излегува на улиците и плоштадите.

– Знам дека ова се тешки моменти, знам дека сите ние очекуваме да добиеме чист датум за отпочнување на преговорите со ЕУ. Сите ние веруваме во европска иднина и ќе продолжиме да веруваме, но нема да нè водат политичари лажливци, коишто само ветуваат, а  ништо не исполнуваат – рече Мицкоски.

Тој вели дека доаѓаат луѓе со силна биографија кои знаат како треба Македонија да ја внесат во Европската унија. За што Мицкоски е убеден дека ВМРО-ДПМНЕ ќе победи на предвремените парламентарни избори во најава, а неговата влада ќе може државава да ја внесе во европското семејство.

Лидерот на ВМРО – ДПМНЕ рече дека како партија му дале шанса на процесот и рече дека  „17 октомври е денот кога завршува концесијата“, ден кога завршува трпението на опозицијата.

– Од денеска за опозицијата 24 часа на ден домот ќе биде плоштадот, улицата, вратата на нашите соседи и нашите сограѓани ширум целата Македонија. Сите сме ние денес иста генерација и делиме иста судбина. Од денеска започнува последната пресметка, од денеска ја најавувам големата победа на ВМРО-ДПМНЕ и коалицијата „За подобра Македонија“ – рече Мицкоски.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

2 Коментари

  1. A kogo ke izvadi na ulica, tie sto gi drzea na rabota so mesecni dogovori, za potoa site ni krivi ni dolzni da bidat izbrkani od strana na novata Vlada,a na nivnite mesta da se vrabotat novi so dogovori na neopredeleno, zarem uste ima so sto da gi lazi ligeto,
    ovoj FAJTER i kopija na Ljupco,Nikola i prodolzena raka na Karakacanov, pa rascisti si go dvorot od BUGARASITE kako Antonio
    i generacija, od profiteri kako NEGO i Gorcev. Za zalenje e ovoj Mickovski, pa nema ni koj poveke sendvici da im podgotvi na lugeto
    koga ke gi vadi na ulica se svrtea soncogledite koi gi hranea mitingasite, sega pravat sendvici ama vo sina boja.
    ZALNA Makedonija so vakvi nepismeni doktori na nauki. SRAM

  2. Еве уште еден лајнар на сцена. А бре од такви како тебе, цел живот ни помина, надевајќи се на нешто подобро. Исти се сите, само во друго издание. Кој дојди – однеси и пак ќе дојде и пак ќе однесе. Мавнете се и едните и другите, а доколку е можна некоја стечајна управа, само и само Македонија да се спаси од вакви гилиптери.

Напишете коментар

Вашата адреса за е-пошта нема да биде објавена. Задолжителните полиња се означени со *

Close