Бугарската министерка за надворешни работи Екатерина Захариева истакна дека позицијата на Бугарија не е лесна за разбирање и оти не може да се очекува Софија да замижи пред државните интереси.

„Нашата позиција не е лесна за разбирање. Но, тоа не значи дека не треба да продолжиме со напорите да ја објасниме. Во исто време, не очекувајте Бугарија да ги затвора очите, вели Захариева.

Премиерот Заев деновиве на двапати изјави дека во спорот со Бугарија веќе не знае точно каде лежи проблемот, но додаде дека дијалогот треба да продолжи сè додека не се најде компромис меѓу двете земји.

Заев од Пустец: Бугарија нема причина да покренува други претензии, не се откажуваме од нашиот македонски идентитет

Мотивиран од поддршката на другите земји-членки на ЕУ, Заев рече дека очекува подобри денови од следното претседателство со Унијата, она на Португалија.

Според бугарскиот вицепремиер и министер за одбрана Красимир Каракачанов, позициите на неговата земја кон С. Македонија се во согласност со европските интереси и нема да влијаат на стабилноста на ЕУ.

 

–Пренесувањето на спорните прашања меѓу Бугарија и С Македонија во Европската Унија нема да придонесе за безбедноста и стабилноста на Унијата. Затоа нашата позиција е правилна и синхронизирана со европските и со националните интереси“, изјави Каракачанов во Варна, пренесува БНР.

 

Каракачанов: Позициите на Бугарија кон С. Македонија се во согласност со европските интереси