Премиерот Зоран Заев им ги врачи мандатните писма на сите министри во Владата при тоа упатувајќи им порака да работат посветено и одговорно зашто тоа грашаните го очекуваат од нив.

-Сакам да ја искористам приликата, свечено, но и обврзувачки да ви ги доделам мандатните писма, во кои номинирајќи вѐ како министри очекувам од вас одговорно и посветено извршување на должностите и очекувам резултати, за чие остварување постојано ќе се проверуваме, и ние, а ќе не проверуваат и граѓаните. Да не заборавиме дека сме менливи, и таа менливост да ни биде мисла водилка да им служиме подобро, поефикасно на граѓаните.
Затоа што граѓаните имаат очекувања, а вие сте на оваа позиција за да направите сѐ што е потребно за оваа Влада да ги исполни очекувањата.

Ве задолжувам на отворена комуникација со сите засегнати страни во општеството!“, истакна Заев.