Заедно освоија титула во НБА, а сега за малку ќе го „убиеше“ на улица
Ник Јанг кој во кариерата има настапувано за Вашингтон, ЛА Клиперс, Филаделфија, ЛА Лејкерс, Голден Стејт и Денвер, моментно нема клуб и живее во родниот Лос Анџелес и за малку ќе убиеше поранешен соиграч.
Јанг во 2018 година беше член на Голден Стејт вориорс со кого ја освои шампионската титула, а соиграч му беше актуелниот центар на ЛА Лејкерс, Џавал Мекги.
Јанг возејќи се низ улиците на Лос Анџелес налета токму на Мекги и за малку ќе се судреше со него.
I almost killed @JaValeMcGee just now .. what are the odds we almost hit each-other driving … I’m ready to cus someone out in full road rage mode .. he roll down his window Its javale man wtf . we just started laughing ???Damn I wish he would’ve hit me I need some cash ??
— Nick Young (@NickSwagyPYoung) May 1, 2020
„За малку ќе го убиев Џавал Мекги… Кои се шансите да удриме еден во друг возејќи автомобил… Се подготвувам да упатам серија пцовки бидејќи бев нервозен, а кога го спушти стаклото од прозорот видов дека е Џавал и почнавме да се смееме и двајцата. Баш сакав да ме удри, потребни ми се пари“, напиша Јанг на својот Твитер профил.