За предметите кои биле чувани во фиока кај Вангеловски известено е ОЈО - Слободен печат

За предметите кои биле чувани во фиока кај Вангеловски известено е ОЈО

Добивме информација од в.д. претседателот на Врховниот суд дека се пронајдени предмети и дека ги има распределено на седница на Оддел за кривични дела кај судиите кои работат во тој оддел, вели претседателот на Судскиот совет, Киро Здравев.

Во оваа фаза од постапката кога наша комисија ја утврди ранг листата и работата ја презеде Комисијата за спроведување на избори не може да се повлече кандидатурата за член на Судскиот совет, порача денеска претседателот на Судскиот совет, Киро Здравев.

-Немаме надлежности да испитаме зошто ја повлекол кандидатурата. Комисијата за спроведување на избори на член на Судски совет не е комисија на Судскиот совет, туку во неа претседателот и еден член се избираат од Здружението на судиите, а другиот член од невладини организации. Тие понатаму одлучуваат како да ја спроведат целата постапка, меѓудругото тие треба да одговорат на барањето за повлекување на кандидатурата. Мое лично мислење е дека во оваа фаза од постапката не може да се повлече кандидатурата за член на Судскиот совет, рече Здравев во одговор на новинарско прашање на паузата од промоцијата на иницијативата „Отворено судство” која е дел од програмата „Подобрување на транспарентноста, правната сигурност и ефикасноста на судството во Северна Македонија” и промоцијата на анализата „Отвореност на судството во Северна Македонија”.

Прочитајте и...  Кај Радовиш откриено возило со 32 мигранти

Тој нагласи дека во понеделникот бил известен дека кандидатот ја повлекол кандидатурата, а тој ден, како што кажа, се делеле материјалите по избирачките одбори.

-Доколку тој кандидат победи за нас тој официјално ќе биде член на Судски совет, освен ако не си поднесе оставка, па да ја повториме постапката. Тоа е тешко, бидејќи ќе треба да се повтори целата постапка, до толку повеќе што на постоечкиот член на Советот, Шемседин Јусуфи му истекува мандатот и практично  за цело време на траење на постапката ќе останеме без уште еден член, потенцира Здравев.

Во врска со предметите кои биле најдени во фиоката на разрешениот претседател на Врховниот суд Јово Вангеловски, Здравев рече дека на странките во тие предмети им се повредени правата на итно постапување, односно постапување во согласност со принципот за судење во разумен рок и додаде дека в.д. претседателот на Врховниот суд Фаик Арслани треба да каже дали предметите се задржани основано или не.

Прочитајте и...  Обвинителен акт за неготинец за разбојништво

-Добивме информација од в.д. претседателот на Врховниот суд дека се пронајдени предмети и дека ги има распределено на седница на Оддел за кривични дела кај судиите кои работат во тој оддел.  Паралелно и ние ќе преземеме чекори. Тоа веќе го пуштивме во процедура, но ние не можеме да преземаме конкретни мерки. Затоа истовремено ја известивме Антикорупциската комисија и Јавниот обвинител, бидејќи сметаме дека Антикорупциска можеби ќе најде нешто што е во нејзина надлежност, рече Здравев.

Очекуваме, потенцира, прво тоа  да го направи в.д. претсетдателот на Врховниот суд, како што е редот, но доклку не го стори ќе преземеме конкретни мерки за поднесување на барање за утврдување на одговорност за поранешниот претседател на Врховниот суд Јово Вангеловски.

Прочитајте и...  Сириски државјанин пронајден починат на патот кон планинскиот врв Кобилица

Прочитај повеќе

Обвинителен акт за неготинец за разбојништво

МИА Агенција

Сириски државјанин пронајден починат на патот кон планинскиот врв Кобилица

МИА Агенција

Кај Радовиш откриено возило со 32 мигранти

МИА Агенција

Идентификувано безживотното тело пронајдено на Шар Планина

Слободен печат

Момче чувало пиштол во автомобил

Тројца повредени во сообраќајка кај Струмица

Остави Коментар

оне × четири =

Прочитај повеќе

Во судир на повеќе возила повредени три лица кај Струмица

Слободен печат

Двојно убиство при грабеж во казино на патот Скопје-Блаце

Слободен печат

Тони Јакимовски излезе од притвор

Слободен печат

Тешко повреден работник при поставување на цевковод во Булачани

Слободен печат

Возач удрил во петгодишно девојче во Пробиштип и побегнал

Слободен печат

Покренато обвинение против три лица за продажба на марихуана

Слободен печат