Вртоглави 4,3 милијарди долари ќе плати Либерти медиа да ја купи Мото ГП серијата
Сопственикот на Формула 1 сака да ја купи и елитната мотоциклистичка серија за вртоглава сума и да ги стави под една капа најпопуларните серии трки со автомобили и со мотоцикли
Сопственикот на Формула 1, американската компанија Либерти медиа, е во ексклузивни разговори за купување на компанијата која ја поседува Мото ГП серијата за повеќе од 4,3 милијарди долари.
Ваков договор би ги обединил елитните серии трки со автомобили и со мотоцикли, велат упатени извори.
Либерти медиа е подготвена да се согласи да ја преземе Дорна спортс откако ги надминала ривалските понуди.
Катар спорт инвестментс, групацијата поддржана од државата која е сопственик на францускиот фудбалски клуб Пари Сен Жермен, исто така изразила интерес за Дорна спортс и разговарала со нејзиниот сопственик, фирмата за приватен капитал Бриџпоинт.
За Либерти, Дорна претставува ретка можност да се купи глобален спорт со профитабилни комерцијални права.
Како и да е, секој ваков договор веројатно ќе се соочи со регулаторна контрола. Фирмата ПЕ ЦВЦ Капитал партнерс некогаш ги поседуваше и Ф1 и Мото ГП, но беше принудена да ја продаде мото-серијата во 2006 година како услов за купување на Ф1 откако регулаторите за конкуренција на ЕУ изразија загриженост.
