Вработените во малите и средни фирми се најчести виновници за загрозување на сајбер безбедноста во една фирма. Работодавачите во овие фирми не се ни свесни дека нивните вработени можат ненамерно – па дури и намерно – да и наштетат на „благосостојбата“ на компанијата- покажуваат податоците на Светскиот економски форум. Работодавачите во овие бизниси веруваат дека не можат да станат плен на сајбер-криминалците. Сепак, една неодамнешна студија на компанијата „Касперски“ (глобална компанија за сајбер безбедност) открива дека речиси 50 отсто од сите сајбер-напади се насочени кон малите и средни претпријатија.

Според Светскиот економски форум, 95 отсто од прекршувањата на сајбер безбедноста се припишуваат на човечка грешка. Некои несоодветни однесувања може да доведат до финансиски загуби, оштетување на репутацијата или намалена продуктивност на целиот бизнис. Според истражувањето на повеќе од 3.000 менаџери за ИТ безбедност во 26 земји, околу 22 отсто од „протекувањето“ на податоците во секторот за мали и средни претпријатија биле предизвикани од вработените. Речиси ист дел имаа сајбер-напади, кои во одреден момент ги прават вработените речиси исто толку опасни како и хакерите.

Се разбира, во повеќето случаи тоа се случува поради невнимание на работниците или недоволна свест. Постојат различни начини на кои вработените можат ненамерно да ја нарушат сајбер безбедноста.

Ова се првенствено слаби лозинки, па дури има и листа на најчесто хакирани лозинки. Вработените може случајно или несвесно да кликнат на некоја икона која се спојавува во е-пошта, што ќе доведе до неовластен пристап до мрежата. Повеќето измамници можат да имитираат адреса на е-пошта која наводно припаѓа на легитимна компанија, а кога ќе испратат е-пошта со прикачен документ или архива, се гледа дека е малверзација.

Вработените често користат лични уреди за поврзување со корпоративни мрежи, што може да претставува сериозна закана за безбедноста доколку овие уреди немаат соодветна заштита од сајбер закани. Со повеќе од 400.000 нови лажни програми што се појавуваат секој ден и со зголемување на бројот на насочени напади врз компаниите, бизнисите се во многу опасна ситуација.

Работниците може ненамерно да откријат чувствителни информации како што се детали за најавување, лозинки или други доверливи податоци како одговор на тактиките на социјалниот инженеринг или измамите. Нововработените полесно ќе бидат измамени бидејќи се уште не знаат доволно за „ритуалот“ на компанијата. Измамникот може да се преправа дека е „газда“ на новодојдениот, а потоа да се обиде да украде некои важни информации од компанијата или да изнуди пари.

Еден пример за тоа како функционираат измамниците е испраќање е-пошта во која се имитираат шефот или претпоставениот (со користење на неофицијална адреса) барајќи од вработениот да направи „итна“ задача. Работникот со задоволство ќе ве обврзе да го напрваи тоа. Задачата може да биде, да речеме, префрлање средства на изведувач или купување подарок сертификати со одредена вредност, додека во пораката јасно стои дека „брзината е од суштинско значење“. Измамниците ја нагласуваат итноста за да не му дадат време на вработениот да размисли или да провери со некој друг.

Ова се грешки кои вработените можат да ги направат од невнимание. Но, што може да се случи кога вработен намерно сака да ја загрози безбедноста на компанијата додека е вработен или веднаш по напуштањето на работата? Тогаш може да се појават повеќе проблеми. Менаџерите за безбедност известија дека околу една третина (36 проценти) од „протекување“ иницирани од вработените биле намерни чинови на саботажа или шпионажа.

Високиот број на сајбер инциденти кои произлегуваат од активностите на вработените покажува дека на сите организации им треба темелна обука за свесност за сајбер безбедноста за да го научат персоналот како да избегнува вообичаени безбедносни грешки.