Водостојот на реката Вардар во Општина Јегуновце, која вчера на неколку места се излеа и поплави земјоделска површина се намалува, откако прекинаа врнежите од дожд. Но, дел од нивите на потегот Копанце-Раотинце се уште се под вода, информираат мештаните од овие села.

И од Општина Тетово инфомираа дека водостојот на тетовските реки е намален и засега нема ризици од излевање и поплави.

Интензивните врнежи од дожд последниве неколку дена го зголемија водостојот на реките во тетовско.

Висок вчера беше и водостојот и на реката Пена во тетовско, каде пред два дена градежна механизација на одредени места превентивно го прошируваше речното корито. Се интервенираше на Поројска Река на регионалниот пат Тетово – Јажинце.

Мали излевања имаше во вторникот и кај неколку канали за наводнување во тетовско.

Викендов како што најавија од Општина Тетово, ќе се интервенира на коритото на Речичка река кај наплатата рампа Тетово – Гостивар.

ВИДЕО: Вардар се излеа и поплави ниви во Општина Јегуновце, водостојот на реките ризичен и во Тетово