Утрово наш читател ни испрати порака дека во новиот кинески воз кој се движи на релација Скопје-Битола, нема парно и дека е премногу ладно.

Тој го запрашал кондуктерот зошто немаат вклучено парно, при што тој му одговорил дека во некои од новите има, а во некои не.

Револтираниот патник му потенцирал како е можно ваква услуга да нудат, за 500 денари повратен билет и да сакаат луѓето почесто да ги користат, истиот само ги подигнал рамениците и ништо не одговорил.

Малкумината патници кои патуваа на оваа релација исто така се пожалија на тоа колку е ладно во возот, а од оние кои почесто го користат овој вид на превоз велат дека навистина е „лотарија“ да се возиш во воз со парно во овој период од годината.