Во викендот без ДДВ продавачите треба да добијат празнична дневница

Ако некому дневницата му е 1.000 денари, на листата за плата треба да има уште 1.500 денари затоа што работел за 11 Октомври.

Додека во регионот и во светот се прават големи напори што повеќе работниците да имаат време за себе и за своето семејство, мерката „Викенд без ДДВ“ може да донесе сосема спротивен ефект во Македонија, односно и тие што не работеа во викенди, да проработат.

Но, ако се почитува законската регулатива, продавачите што во претстојниот викенд ќе бидат пренатрупани со работа, за прекувремената работа, како и работата на празникот 11 Октомври, треба да бидат дополнително платени. Ова значи дека трговците може да се надеваат на поголем промет, но треба и да резервираат повеќе пари за работниците, а Трудовиот инспекторат треба да исконтролира дали работниците ги добиле парите што им следуваат според закон.

Прочитајте и...  Бочварски: Инвестираме над 87 милиони евра за изградба и рехабилитација на патната мрежа во Крива Паланка и околината

Според изјавата на премиерот Зоран Заев, станува збор само за еден продолжен викенд, односно за 10-ти, 11-ти и 12-ти октомври, кога ќе може да се купува без ДДВ.

– Оваа мерка предвидува да опфати повеќе од 350.000 граѓани, корисници на апликацијата „Мој ДДВ“, кои за време на продолжениот викенд на 10-11-12 октомври ќе можат да купат домашни производи и услуги, или компјутери и друга ИТ-опрема во вредност од најмногу 30.000 денари, а во рок од неколку денови ќе го добијат назад на своите сметки целиот ДДВ. Со оваа мерка се проектира да се направи промет од 170 милиони евра, пари што ќе бидат инјекција за стопанството, а кон граѓаните ќе бидат вратени околу 17 милиони евра, од повратот на ДДВ – рече Заев презентирајќи го четвртиот пакет. 

Викенд без ДДВ на 10, 11 и 12 октомври

Според законската регулатива, работната недела трае 40 часа и на работникот му следува еден ден за неделен одмор. Така, ако некој работи секоја сабота, треба преку неделата да работи помалку од 8 часа дневно. Според Општиот колективен договор за приватниот сектор, за секој час прекувремена работа, работникот треба да биде платен, а покрај основната саатнина, износот мора да се зголеми за 35 проценти. За работа во ден за неделен одмор, покрај дневницата треба да има зголемување на износот за 50 проценти. Дополнителни пари, според регулативата, работниците мора да добијат и за неработни денови и празници, утврдени со закон. Притоа, работодавачот покрај дневницата што би ја исплатил и доколку тие не би оделе на работа, како за платен неработен ден, дополнително треба да им исплати уште една дневница зголемена за 50 отсто. Значи, ако на еден работник дневницата му е 1.000 денари, тој ако не оди на работа ќе си добие 1.000 денари, а ако оди на работа ќе добие 2.500 денари.

Прочитајте и...  Премиерот на Баварија предупредува: Постои ризик ковид-19 да излезе од контрола во Германија

За мерката „Викенд без ДДВ“ има реакции и во однос на тоа дека за време на пандемија со ковид-19, таа може да предизвика големи турканици и ширење на вирусот.

Поврзани вести

ВИДЕО: Од што заболуваат американските дипломати во Русија и Куба? Сè започнува со губење на слухот

Маријана Митровска

Уште еден велешанец ја загуби битката со коронавирусот

Слободен печат

Детали: Волонтерот кој умре на тестирањето на Оксфорд вакцината, примил друга вакцина

Слободен печат

Алиев: Азербејџан презеде контрола над 22 места во Нагорно-Карабах

Слободен печат

Рамадани: Изјавата на Каракачанов е сериозна, но и апсурдна

Слободен печат

Нагорно Карабах останува воена зона: Турција е подготвена да испрати војска во Азербејџан

Слободен печат

Остави Коментар