Полициското обезбедување во зградата на Специјалното јавно обвинителство од шефицата на СЈО, Катица Јанева добиле наредба сите вработени, вклучувајќи ги и нејзините колеги обвинители при влез и излез од зградата да бидат претресувани.

Засега од СЈО не ја откриваат причината за таквата наредба која во изминативе четири години откако постои СЈО не се практикувала. Случајно или не, наредбата за претрес уследи откако Јавното обвинителство до денеска испраша тројца вработени од СЈО за аферата „Рекет“.

Токму во тој случај се споменува и името на Катица Јанева. Со судски налог нејзе и беше земен мобилниот телефон, додека за нејзиниот втор мобилен се дозна дека го користело друго лице.

За случајот „Рекет“ во притвор се Бојан Јовановски и Зоран Милески.