Франција, на католички Бадник, го премина прагот од 94.000 нови дневни случаи на ковид-19, најмногу по избувнувањето во март 2020 година, според податоците на француското јавно здравство.

За 24 часа пријавени се 94.124 нови случаи во петтиот бран на епидемијата, влошени со многу позаразна варијанта на омикрон. Во последните седум дена дневно имало во просек по 66.417 нови случаи.

Претходниот рекорд беше во четвртокот со повеќе од 91.000 случаи, пишува Ројтерс.

Болниците под голем притисок

На врвот на вториот бран, слични нивоа беа забележани во ноември 2020 година – најголемиот дневен број на случаи беше 86.852. Илјадници Французи се собраа во петокот во аптеките за да се тестираат со надеж дека ќе го прослават Божиќ со своите семејства.

Медицинските услуги се под зголемен притисок и имаат 3.254 пациенти наспроти 3.208 во вторникот. Бројот на загинати се искачи на 122.462 од избувнувањето, или 169 повеќе отколку во четвртокот.

Од почетокот на кампањата за вакцинација во Франција, 52,7 милиони луѓе примиле најмалку една доза (или 78,1 отсто од населението), а 51,6 милиони се целосно вакцинирани (или 76,5 отсто од населението). Трета доза вакцина примиле 21,9 милиони луѓе.