Тој често знае да направи хумор на своја сметка, политиката неретко му е инспирација, а во новиот материјал како татко на три деца подготвил многу шеги инспирирани од родителството и семјените случувања со мали деца.

„Комедијата е серизона работа“, вака е насловена турнејата на популарниот хрватски стендап комичар Горан Винчиќ – Винча кој на 8 мај доаѓа во Скопје.

„Најголемиот страв за комичарите е тишината, ако публиката не се смее на твојата шега, тоа го викаме ‘dying on stage’ (умирање на сцена). На почетоците ми се случуваше да подготвам нешто мислам дека е добро, дека луѓето ќе се смеат, ама недобивам фидбек од публиката, штама. Е, таа тишина е најголемата болка за нас комичарите“, вели Винча за „Слободен печат“.

Ја следи и македоснката стендап сцена и вели дека и покрај тоа што понекогаш не ги разбира што кажуват сепак сите комичари имаат заеднички јазик.

„Сум ги гледал и Бојан Велевски, Маријан, Никола Тодоровски, одлични се сите. Еве можеби тој ваш Сашко Коцев е згоден, ама па може да се сокрие позади мене“, низ смеа вели нашиот соговорник, одново шегувајќи се на своја сметка за вишокот на килограми.

Винча е татко на три мали деца, два сина и ќерката која е бебе.

„Ќерка ми се вика Слобода, не како ‘Слободен печат’, туку Слобода Винчиќ. Татковството ме иснпирира и имам подготвено многу материјал поврзан со семејни случувања. Ми рекоа дека македонската публика е многу пријатна се надевам ќе допрам до нив. Иако низ годините почнав да ги засмејувам и оние најозбилните“, вели тој.

Винчиќ поради работата овој месец со сопругата и децата ќе може д апомине време само пет дена, емотивно зборува за тоа дека оваа работа не е ни малку лесна.

Винчиќ на 8 мај ќе настапи во Филхармонија со солистичко стендап шоу, за кое по ова интервју очекуваме оригинални моменти поврзани со Македонија, бидејќи на некој начин го иснпириравме токму за тоа.

Погледнете го целото интервју на јутјуб каналот на „Слободен печат“.