„За разлика од досега, сега имаме случај каде избраниот директор е активен контролор на летање и изминативе 20 години е на работно место. Секој ден е на смена, свесен со се што се соочуваме“ рече претседателот на синдикатот на М-НАВ, Александар Тасевски во утринската програма на „Слободен печат“.

Тој додаде дека директорот кој сега се разрешува бил повеќе од административна природа и не бил упатен во оперативното управување.

Во врска со заканата со штрајк и затворање на македонското небо, Тасевски рече дека синдикатот ги почитува законските норми и правила за штрајк.

„Законските норми се пропишани и ги има во законите. Се` е дефинирано како може да се штрајкува и ние тоа го запазуваме. Мора да се пружи услуга на авиони на полиција, војска, за итни ситуации од медицински потреби, пожари“ рече Тасевски.

Тој додаде дека кога се зборува за затворање на небото, се мисли на комерцијалниот дел, а не за безбедност.

„Секој што би бил во вонредна ситуација и ние како професионалци не би дозволиле да остане без контрола на летање“ рече Тасевски.

Целиот разговор со Александар Тасевски погледнете го во продолжение: