Зоран Ипраковски, скопјанец кој повеќе од триесет години живее во Канада, после пет години, патот повтгорно го донесе во Скопје, заедно со сопругата во посета на градот и прослава со најблиското семејство.

Во 1988 година, тој ненадејно тргнал за Канада за да спечали пари за да си купи стан во Скопје. Но,  приказните секогаш не завршуваат како што ги планирме… Неговите почетоци не биле лесни, а тој како млад технички хемичар, вработен во „Алкалоид Скопје“ бил „принуден“ да се снајде за подобра иднина.

-Отидов оттука затоа што немав стан. Тргнав за да заработам за стан и останав… и таму живеам. И готово, нема веќе враќање – трогателно раскажува Ипраковски за „Слободен печат“

Ипраковски е татко на четири возрасни деца кои се таму родени, постарите деца го зборуваат македонскиот јазик, но ја немаат посетено Македонија скоро 30 години. Тој е горд Македонец, кој не ги воздржуваше емоциите и возбудата пред камерите.

-Пред пет години бев изгубен, кога дојдов после пет години, пак изгубен. Возбуден сум кога ќе дојдам тука… – вели Ипраковски.