ВОЗНЕМИРУВАЧКО ВИДЕО | „Затворете го веднаш!“: Се бара строга казна за таткото-монструм кој брутално ја тепаше ќерката
Снимката од татко кој ја претепува својата ќерка на тениски терен во Белград викендов го потресе Балканот, а на социјалните мрежи се бара строга казна за насилничкото однесување, пишува „Нова С“.
Според српските медиуми, се работи за Кинези кои престојуваат во Србија, а тепањето се случило пред три недели. Таткото, кој бил и тренер на 14-годишното девојче, бил незадоволен од тоа како ќерка му напредува во спортот. 50-годишниот В.Л. бил уапсен со помош на Тенискиот сојуз на Србија, откако снимката беше објавена вчера. Тој потоа бил и експресно исклучен од „Академијата Типсаревиќ“, на чии терени се случи инцидентот.
Još jedno brutalno nasilje oca nad ćerkom. Dobio sam informaciju da je u pitanju porodica koja dolazi iz Kine. Podnećemo krivičnu prijavu i protiv ovog monstruma. pic.twitter.com/CrU7g0JcwU
— Igor Jurić (@lojzija) October 28, 2022
За случајот се заинтересираа и странски медиуми, а посебна згрозеност тој предизвика во тениската заедница.
Дополнителен гнев во јавноста предизвикаа наводите на одредени медиуми дека таткото-монструм во полицијата се бранел тврдејќи дека таквото тепање е нешто вообичаено и прифатливо во нивната култура.