Македонската пејачка Калиопи Букле (57) неодамна одржа успешен концерт во Белград, каде пред српските обожаватели ги испеа своите најголеми хитови.

Но, нејзините мали обожавателки Ана и Мила успеаја да ѝ остават најсилен впечаток. Имено, нивната мајка Данијела сподели видео кое допре до македонската пејачка.

Малата Ана имала желба Калиопи да ѝ ја испее песната „Роџендан“ за нејзиниот роденден, а кога Калиопи дознала за тоа – веднаш договорила средба со семејството во Скопје.

Калиопи пристигнала на договореното место, каде ѝ донела роденденска торта на Ана и почнала да ѝ ја пее посакуваната песна. Се разбира, девојчето било многу изненадено од овој убав гест.

Се сеќавате на Ана и Мила од мојот белградски концерт? Да, да, тоа се тие двете кои ми го „украдоа“ шоуто! И ми го украдоа срцето во истиот момент кога го погледнав нивното видео. Благодарение на нивната прекрасна мајка Даниела, стапивме во контакт и успеавме да ѝ го оствариме сонот на Ана, која пеејќи дома рекла дека би сакала Калиопи да ѝ ја пее „Rodjendan“ за нејзиниот роденден. Затоа што истиот ден му беше роденден и на тато Дејан, одлучија да допатуваат во Скопје, каде ја договоривме нашата средба. Се разбира, Ана и Мила немаа поим за овој наш план.

Сè останато се слики длабоко врежани во сеќавањата кои долго време сите ќе ги носиме во срцата…

И повторно, по не знам кој пат, сфатив зошто и за кого постојам. Ти благодарам животе!