Виљареал на реваншот во Лондон одигра 0:0 против Арсенал и благодарение на победата на првиот натпревар од 2:1 за прв пат ќе игра во европско финале. Манчестер јунајтед пак загуби со 3:2 од Рома на „Олимпико“ но предноста од првиот натпревар (6:2) беше преголема за да не обезбеди финална битка за трофејот.

Натпреварот на „Олимпико“ исто така беше динамичен, квалитетен и исполнет со голови како и првиот натпревар.

Кавани го донесе Јунајтед во водство во 39. минута,  но „римската волчица“ во второто полувреме за само три минути успеа да направи пресврт. Прво Џеко во 57. минута израмни на 1:1, а три минути подоцна Кристанте и донесе водство на Рома. До крајот на натпреварот, прво Јунајтед постигна гол преку Кавани, за во финишот Рома сепак да дојде до минимална победа благодарение на 19-годишниот Никола Залевски.

На „Емирати“ во Лондон немаше голови па шпанскиот тим благодарение на победата во првиот натпревар обезбеди прво финале во европските купови.