ВИДЕО | Верски лидер од Пакистан претепан до смрт откако на настан кажал „богохулни“ коментари
Верски лидер од Пакистан бил претепан до смрт по говорот што го одржал на политички митинг, откако некои ги протолкувале неговите изјави како „богохулни“.
Шокантниот инцидент се случил во провинцијата Кибер-Панктуква, на северозападот на земјата. Нигар Алам, верски водач на локална муслиманска заедница, бил поканет да се обрати на митинг организиран од партијата Техрик-е-Инсаф (ПТИ) на поранешниот премиер Имран Кан во селото Савалдер.
A Muslim religious leader has been beaten to death in Pakistan for allegedly making ‘blasphemous remarks’ during a speech at a rally for Imran Khan’s opposition PTI party ⤵️ pic.twitter.com/KPi7opmvXt
— Al Jazeera English (@AJEnglish) May 7, 2023
Алам бил линчуван откако „дал неколлу богохулни коментари што ги налутиле луѓето“, рече локален функционер, кој зборувал за „Ал Џезира“ под услов да остане анонимен.
Првично, полицајците присутни на собирот успеале да го оттргнат Алам од рацете на толпата и да го однесат во блиската продавница, верувајќи дека таму ќе биде безбеден. Но, набргу толпата успеала да ја пробие вратата и да го извади Алам, кој бил бесно нападнат со стапови, а кратко време подоцна издишал.