Украинската војска во неделата објави дека директно го погодила и оштетила спасувачкиот брод на руската морнарица во Севастопол, на полуостровот Крим, дом на Црноморската флота.

Според Дмитро Плетенчук, претставник на украинската морнарица, бродот „Комуна“ бил погоден додека бил закотвен во Севастополскиот залив вчераутро и „јасно е дека сега (…) не е во состојба да извршува мисии“.

Украинските вооружени сили преку Телеграм известија дека станува збор за еден од најстарите бродови на руската морнарица, лансиран во 1913 година кој сè уште во служба.

Ukrainian Navy spokesman has confirmed the damage to the Russian Black Sea Fleet ship Kommuna.

According to him, the extent of damage is being assessed, but “the ship is definitely not capable of performing its tasks anymore.” https://t.co/IujJnXmrJ6 pic.twitter.com/fdgi54CS8I

— Anton Gerashchenko (@Gerashchenko_en) April 21, 2024

Според извештаите, катамаранот бил вклучен во мисија за извлекување тела и чувствителен материјал кога украинската војска го потопила бродот „Москва“, предводник на Црноморската флота, во април 2022 година.

Украинскиот претседател Володимир Зеленски постојано ги бранеше успесите на неговата војска во нападите против руската Црноморска флота, која е со седиште во Крим, полуостров кој Русија го анектираше во 2014 година.

A Ukrainian R-360 “Neptune” Anti-Ship Strike today on the Port City of Sevastopol in Russian-Occupied Crimea has reportedly caused Damage to and a Fire onboard the Kommuna, a Submarine Salvage Ship with the Russian Black Sea’s Fleet that has been in Service since 1915; Russian… pic.twitter.com/Br8ocIDDVr

— OSINTdefender (@sentdefender) April 21, 2024

Од своја страна, гувернерот на Севастопол, Михаил Развазаев, вчера изјави дека руските вооружени сили одбиле ракетен напад насочен кон приклучен брод, додавајќи дека остатоците предизвикале мал пожар за кој увери дека веднаш е изгаснат.