Романската полиција објавија дека контроверзниот инфлуенсер и поранешен професионален кикбоксер Ендрју Тејт бил уапсен вчера во Букурешт, пренесува „Ројтерс“. Тој е осомничен за трговија со луѓе, силување и формирање организирана криминална група. Тејт, заедно со неговиот брат Тристан и уште двајца Романци, ќе бидат притворени 24 часа, се вели во соопштението на обвинителите од единицата за организиран криминал по претресот во нивниот дом во Букурешт.

Како што кружат информациите по социјалните мрежи, Тејт бил „издаден“ од кутија за пица во едно од неговите видеа. Имено, Тејт пред неколку дена ја нападна познатата активистка Грета Тунберг на „Твитер“, а откако Грета потоа го исмеа, тој објави видео на кое дополнително ја навредува, што потоа се испостави дека е кардинална грешка. Тејт, кого полицијата го бара под обвинение дека учествувал во криминална група со цел трговија со луѓе и сексуална експлоатација на жени, во еден момент од видеото бара да му донесат пица, а се испоставило дека станува збор за пицеријата Џери од Букурешт.

Thank you for confirming via your email address that you have a small penis @GretaThunberg

The world was curious.

And I do agree you should get a life ❤️ https://t.co/mHmiKHjDGH pic.twitter.com/SMisajQRcf

— Andrew Tate (@Cobratate) December 28, 2022

Браќата Тејт се под истрага од април. „Изгледа дека четворицата осомничени создале организирана криминална група со цел да регрутираат и искористуваат жени, принудувајќи ги да создаваат порнографска содржина наменета за гледање на специјализирани веб-страници за одреден надомест. Тие ќе добијат значителни суми пари во процесот“, се вели во извештајот.

this is what happens when you don’t recycle your pizza boxes

— Greta Thunberg (@GretaThunberg) December 30, 2022

Романската телевизија објави видео од апсењето.

Andrew Tate and his brother being taken into custody by Romanian authorities. pic.twitter.com/0jHoJDIkY6

— Alejandra Caraballo (@Esqueer_) December 29, 2022

Обвинителите соопштија дека пронашле шест жени кои биле сексуално експлоатирани од осомничените. Тејт славата ја стекна преку социјалните мрежи најмногу поради говорот на омраза и бројните мизогински изјави. Меѓу другото, тој рече дека жените „се делумно одговорни за силувањето и дека им припаѓаат на мажите“ (затоа му беше забранет пристапот на Твитер, кој Илон Маск потоа го врати).

„Сексуалното вознемирување е одвратно и неоправдано. Меѓутоа, кога мажот ќе ве погледне или ќе ве исвиркува или ќе ве праша како се викате, тоа не е вознемирување. Жените даваат секс во замена за прилика многу долго време. Тие го прават тоа и тие не се злоупотребуваат.

Тој уживаше во релативно успешна кик-бокс кариера и освоил неколку шампионски титули. Првпат стана познат надвор од спортот кога се појави на „Големиот брат“ во 2016 година во Велика Британија. Но, тогаш на интернет се појави видео на кое Тејт тепа жена со појас, па Ендру беше исфрлен од реалното шоу. Тејт тврдеше дека тепањето било дел од улогата на која се согласила жената од видеото.

„Тие го прекинаа звукот од видеото затоа што таа се смее во него. Тие го прекинаа и крајот на видеото, каде што таа го зема појасот и ме удира назад додека двајцата се смееме. Тоа беше во 2012 година и се забавувавме“, рекол тогаш Тејт. Тој, исто така, привлече критики за неговите коментари за сексуална злоупотреба.

Познатиот британски водител Пирс Морган го покани Ендрју Тејт во своето шоу два месеци откако беше забранет од Инстаграм и Фејсбук поради шовинистички и мизогинистички ставови. Тејт го бранеше Морган дека некои од неговите изјави се извадени од контекст, но исто така рече дека го кажува она што многу мажи го мислат и чувствуваат.

„Не мразам жени. Никогаш не сум повредил жена и нема записи дека сум повредил некоја жена“, рече тој. Сепак, тој повтори некои од неговите изјави за жените, како онаа дека мажената жена му припаѓа на мажот. Откако Морган го праша зошто ја прогласува жената за сопственост на нејзиниот сопруг, Тејт почна да зборува за една жена што го зема презимето на нејзиниот сопруг и припаѓа на ново семејство.

Airing now ! https://t.co/g3VWCWLIZ6

— Piers Morgan (@piersmorgan) October 7, 2022

„Да, но таа не е сопственост на нејзиниот сопруг. Таа не е говеда”, му рекол Морган. „Тоа не е имот, но да, мислам дека жената во брак му припаѓа на маж“, рече Тејт, кој претходно изјави дека мисли дека неговата сестра е сопственост на нејзиниот сопруг.