Шест лица биле повредени во последното трчање со биковите, кое традиционално се одвива во Памплона, северна Шпанија, со што вкупниот број на повреди се искачил на 35 на годинешниот фестивал кој привлекува туристи од целиот свет.

Последната трка, која траела нешто повеќе од две минути, завршила со хоспитализирање на пет лица, но ниту една од повредите не е резултат на забивање на роговите, изјави портпаролката на Универзитетската болница во Навара. Меѓу хоспитализираните две лица се тешко повредени, додаде таа, едното се здобило со „модринка на градниот кош“, а другото со „повреда на главата“, додаде Марта Мартин.

Several people were injured on day one of Pamplona’s bull run: Spain’s San Fermin festival. But animal rights activists are also concerned about the bulls. pic.twitter.com/4RAlLju2zY

— DW News (@dwnews) July 7, 2023

Оваа година биле повредени вкупно 35 лица, но ниту еден не е во критична состојба. Најнеобична е секако повредата на 58-годишен Холанѓанец кој добил мала расекотина на тестисите по удар на бикот.

На прославата која трае сум дена, на тркачката патека долга 850 метри секое утро во 08:00 низ тесните градски улици до арената трчаат стотици луѓе.

Трката овековечена од Ернест Хемингвеј во неговиот роман „Сонцето повторно се раѓа“ од 1926 година привлекува туристи од целиот свет. Секоја година, десетици луѓе завршуваат повредени, па дури и умираат во трчањето на биковите.

Од 1911 година, кога почнала да се води статистика, животот го загубиле најмалку 16 луѓе. Последната жртва била во 2009 година кога 27-годишен Шпанец бил проголтан од бик.