ВИДЕО | Тинејџер пукал во луѓе во луксузен трговски центар во Бангкок, веднаш бил уапсен
14-годишен тинејџер е уапсен во главниот град на Тајланд во врска со пукање во луксузен трговски центар, соопшти полицијата. Како што јави Би-Би-Си, повикувајќи се на полицијата во Бангкок, тинејџер пукал со пиштол и ранил три лица.
Снимките кои се појавија на социјалните мрежи покажуваат како купувачите бегаат од трговскиот центар, кој бил затворен веднаш по известувањето за нападот, како и блиската станица на метрото.
BREAKING: Shooting incident at Siam Paragon Tuesday afternoon. No casualties reported as of 4.50pm but many shoppers fled the mall. PM Srettha and new police chief heading there.This is a developing story. #Bangkok #Thailand pic.twitter.com/k1hQw8Udnb
— Khaosod English (@KhaosodEnglish) October 3, 2023
На едно видео, луѓето се кријат во затемнета просторија во ресторанот. Локалниот телевизиски канал Канал 3 објави дека од тоалетите во трговскиот центар се слушаат звуци слични на истрели.
Video footage shows the moment the shooter got arrested at Siam Paragon Mall in Bangkok. At least 3 dead, according to emergency services#Thailand #Bangkok #สยามพารากอน #Bangkok #Thailand #Gunshots #Mall #Shooting #Breaking #Latest pic.twitter.com/ugOA0N8Ufo
— mishikasingh (@mishika_singh) October 3, 2023
Премиерот Сретта Тависин им рече на новинарите дека чека детали за инцидентот. Портпаролот на полицијата Ачајон Краитонг изјави дека началникот на националната полиција испратил полицајци да ја контролираат областа. Телевизијата објави долги редици пред трговскиот центар на бурен дожд.
Вооруженото насилство е вообичаено во Тајланд. Поранешен полицаец уби 22 деца во градинка минатата година, а војник уби најмалку 29 луѓе и рани 57 во 2020 година во напад што се случи на четири локации во и околу североисточниот град Након Рачасима.