ВИДЕО | Сунак мораше да се извини откако сними видео како се вози во автомобил без појас
Британскиот премиер Риши Сунак се извини откако го извади појасот додека се возеше за да сними видео за социјалните мрежи. За време на снимањето тој седел на задното седиште во автомобилот. Неговиот портпарол изјави дека станува збор за „грешка во проценката“ и дека премиерот „верува дека сите треба да носат појас“, пишува Би-би-си.
🚨 | NEW: PM Rishi Sunak was NOT wearing a seatbelt in a video recorded in his Government car this morning pic.twitter.com/SOLn5YGnT7
— Politics UK 🇬🇧 (@POLITlCSUK) January 19, 2023
Сунак го објави видеото на Инстаграм. На видеото кое трае околу една минута, може да се види како тој им се обраќа на гледачите за време на возењето.
Британците кои не носат појас во автомобил може да се соочат со казна од 100 фунти (114 евра). Доколку случајот оди на суд, казната може да биде и до 500 фунти (572 евра). Од ова правило се изземени оние кои имаат лекарско уверение дека не можат да носат појас од здравствени причини, како и возилата на полицијата, противпожарната и спасувачката служба.