Воз кој сообраќа во холандскиот град Спикенизе, близу Ротердам, удрил во преграда, а скулптура од опашка на кит спречила возот да заврши во вода, пренесуваат холандските медиуми.

Возот останал да стои на 10 метри над пешачката патека, благодарение на „опашката на китот”.

– Се обидуваме да одлучиме како да го спуштиме возот на внимателен и контролиран начин, рече портпаролот на локалниот безбедносен штаб.

Несреќата се случила на метро-станицата Де Акерс, која е последна станица на релација Ц и Д во Холандија, а возачот по несреќата успеал да излезе од возот и бил пренесен во болница.
Во тој момент веќе никој не бил во возот.

Иако властите издадоа предупредување до граѓаните да го избегнуваат местото, околу 50 лица се собрале на местото на несреќата.

LOOK: The driver of a metro train escaped injury when the front carriage rammed through the end of an elevated section of rails and was caught by a sculpture of a whale’s tail near the Dutch city of Rotterdam. There were no passengers onboard pic.twitter.com/qaXjPuyHkn

— Bloomberg QuickTake (@QuickTake) November 2, 2020

Тим експерти истражува како успешно да се спушти возот.

Извор:МИА