Неверојатни сцена ни доаѓаат од Премиер лигата по победата на Евертон кој успеа да обезбеди опстанок. Имено, менаџерот на Кристал Палас, Патрик Виеира се соочува со истрага од Фудбалската асоцијација на Англија бидејќи во четвртокот вечерта удри навивач на Евертон.

Навивачот го испровоцирал Виеира, му покажал среден прст, го навредувал и цело време го снимал. Францускиот стратег реагираше бурно и сега се соочува со казна.

– Немам што да кажам за тоа – рече Виеира за британските медиуми по натпреварот.

Од друга страна, менаџерот на Евертон, Френк Лампард по натпреварот изјави дека сочувствува со Виеира, а воедно застана во одбрана на навивачите на својот клуб.

– Тоа беше чист ентузијазам на навивачите кои истрчаа на теренот откако клубот избегна испаѓање. Доколку тоа се прави на вистински начин, нека останат на теренот, нека имаат свој момент. Сè додека се однесуваат добро, нема проблем – вели Лампард.

Patrick Vieira kicking an Everton fan to the ground 🤣🤣🤣 pic.twitter.com/p6fVvYnzTd

— Breezy (@UtdBreezy) May 19, 2022