Шпанската полиција вчера објави дека разбила меѓународен синџир за трговија со деца, која наводно промовирала малолетни жртви од Канарските Острови во Франција, пренесува Ројтерс.

Единаесет лица се уапсени за време на координираната операција спроведена во Мадрид, Ланзароте и Гран Канарија.

„Четири од осомничените се задржани во притвор во исчекување на судење по обвиненија поврзани со организиран криминал, фалсификување документи и детска порнографија“, се вели во полициското соопштение.

Истрагата започна откако 14 малолетници исчезнаа од државните структури на Канарските Острови помеѓу зимата 2024 и пролетта 2025 година.

Полицијата соопшти дека членовите на мрежата користеле рути и контакти во Мароко, Брегот на Слоновата Коска и Шпанија за да ги преместат децата и да добијат лажни документи за нив во подготовка за нивно префрлање во Франција.

Лични документи, електронски уреди и пари се запленети во две куќи претресени на островот Ланзароте.

Истрагата продолжува за да се идентификуваат други жртви или врски со мрежата, нагласува шпанската полиција.