Пријателскиот натпревар меѓу Шпанија и Египет, одигран вчера на стадионот во Барселона, заврши без голови, но натпреварот остана во сенка на недоличното однесување на дел од домашната публика.

Дуелот, кој требаше да послужи како подготовка за претстојното Светско првенство, беше обележан со ксенофобични скандирања упатени кон гостинските фудбалери од муслиманска вероисповед, поради што организаторите во неколку наврати мораа да реагираат и да испраќаат предупредувања до трибините.

Во текот на средбата, дел од шпанските навивачи извикуваа навредливи пароли, додека со свирежи беше проследена и химната на Египет пред почетокот на натпреварот. Негативната атмосфера продолжи и за време на паузата, кога египетските фудбалери клекнаа и го бакнаа тревникот во знак на молитва, што повторно предизвика негодување од трибините.

🚨🇪🇸 Spain fans were heard chanting the reprehensible “if you don’t jump, you’re a Muslim” from the stands during the friendly against Egypt — a moment that quickly sparked backlash ❌ pic.twitter.com/gFUzTzRrih

— MARCA in English 🇺🇸 (@MARCAinENGLISH) March 31, 2026