Битката за место во Лигата на шампионите во Серија А во последните шест кола ќе биде супер интересна откако вечерва и Јувентус не успеа да победи и да го искористи ремито на Рома и Милан за поголема предност.

Јувентус освои само бод против Болоња во натпревар кој заврши со по еден гол на двете страни.

Скорупски на голот на Болоња забележа неколку интервенции меѓу кои беше и лошо изведениот пенал на Милик. Орсолини со удар од белата точка ја доведе Болоња во водство, а Јувентус на ист начин можеше да изедначи по половина час игра, меѓутоа послкиот напаѓач го изведе еден од најлошите пенали сезонава во Серија А.

Имаше Болоња водство се до 61-та минута кога Милик успеа да се „извади“ за лошо изведениот пенал и ја погоди мрежата на Скорупски.

По тој голо на Јувентус видовме по некоја шанса и на двете страни, но резултатот не се промени.

Јувентус на третата позиција има 60 бодови, бод помалку од Лацио, а три повеќе од Интер, Милан и Рома.