ВИДЕО | Психијатар открива: Пет предупредувачки знаци на деменција
Раното препознавање на знаците на деменција е важно бидејќи дијагнозата може да му помогне на лицето да разбере што му се случува и како да се справи и живее со оваа состојба.
Иако деменцијата влијае на луѓето на различни начини, психијатарот Џелил Мохамед преку видео на ТикТок ги сподели петте вообичаени предупредувачки знаци на деменција, а истакна дека петтиот е многу важен.
Краткорочно губење на меморијата
Луѓето со деменција често имаат потешкотии да се сетат на работите што се случиле во блиското минато.
„Тоа значи дека тие би можеле да заборават работи што се случиле порано во текот на денот или во последните неколку дена“, рече Мохамед во видеото.
Заборавање зборови
Сите ние одвреме-навреме можеме да заборавиме зборови, но луѓето со деменција можат многу лесно да почнат да забораваат едноставни зборови кои порано ги користеле.
„Бидејќи им е тешко да најдат одреден збор, можеби ќе почнат да го заменуваат со други до таа мера што говорот нема никаква смисла“, тврди психијатарот.
Дезориентација во времето и просторот
Многу често луѓето со деменција почнуваат да забораваат кој ден е или кое време од денот е. Мохамед истакнува дека луѓето со деменција можат да почнат да се губат на познати места каде што порано лесно го наоѓале својот пат.
Тешкотии во извршување познати задачи
Ова е уште еден важен знак. Психијатарот истакнува дека луѓето со деменција почнуваат да забораваат како да ги прават работите што порано ги правеле со леснотија.
„Луѓето со деменција можат да заборават како да испратат е-пошта, иако тоа го правеле постојано“, дава пример Мохамед.
Сите овие работи полека се влошуваат со текот на времето
Деменцијата обично се влошува постепено, па луѓето може да пропуштат некои од знаците.
„Симптомите на почетокот ќе бидат релативно благи. Со текот на месеците и годините ќе се влошуваат“, заклучи Мохамед.
Во продолжение погледнете го видеото:
@drjaleelmohammed 5 signs of dementia 1. Short-term memory loss 2. Word-finding difficulty 3. Disorientation to time and place 4. Difficulty with familiar tasks 5. Progressive worsening #dementia #dementiaawareness #mentalhealth #psychiatry #psychiatrist ♬ original sound – Dr Jaleel Mohammed
