Стотици полицајци беа испратени во ресторан во Ванкувер каде што вечерал канадскиот премиер Џастин Трудо синоќа, откако околу 250 пропалестински демонстранти го опколија ресторанот.

Двајца мажи беа уапсени, еден за наводен напад на полицаец, а другиот за опструкција, додека демонстрантите скандираа кон Трудо, вееја палестински знамиња и бараа премиерот да повика на прекин на огнот во војната меѓу Израел и Хамас.

„Срам да ви е, имате крв на рацете“, извикуваа дел од демонстрантите.

Полицијата околу 22 часот успешно го отстранила Трудо од ресторанот, а тој не е повреден.

“Shame on you! You have blood on your hands!”

Activists disrupt Justin Trudeau while he wines and dines in Vancouver, demanding that he calls for a ceasefire right now in Gaza.pic.twitter.com/N7rKIT7f0a

— sarah (@sahouraxo) November 15, 2023

Трудо претходно го повика Израел да покаже максимална воздржаност за да ги заштити цивилите додека израелските сили продолжуваат со офанзивата низ Газа.

„Ги слушаме сведочењата на лекарите, преживеаните, децата кои ги изгубиле своите родители. Светот е сведок на убиства на жени и деца“, рече Трудо.

Тој исто така го повика Хамас да престане да ги користи Палестинците како жив штит, но еврејските лидери остро ги осудија неговите забелешки.