После два порази во низа во Евролигата, кошаркарите на Партизан на домашен терен во 18 коло го совладаа Лион-Вилербан со 90:77. Српската екипа ја имаше фаворитската улога и така се постави од првата минута на овој дуел, и на крајот дојде до победата.

Првата четвртина им припадна на домашните играчи, иако беше доста израмнета. Но, во вториот период беше клучен за тимот на Жељко Обрадовиќ. Партизан одигра одлична одбрана, и на одмор замина со водство од 50:31 и уште тогаш се најавуваше дека триумфот е сигурен.

Третата четвртина не донесе било какво изненадување, а во поселдните 10 минути Французите беа нешто подобри, а причина беше опуштањето кај домаќините. Најдобар во редовите на Партизан беше Пантер со 22 поени, а два повеќе за Лион запишан Скот.

Во следното коло Партизан за два дена ќе ги одмери силите против Црвена звезда која славеше на гостувањето кај Фенербахче (76:85).

Во вторникот се одиграа уште три натпревари: Фенербахче – Црвена звезда 76:85, Жалгирис – Алба Берлин 77:71 и Макаби Тел Авив – Монако 93:83.