ВИДЕО: Ова го може само Меси, чуден гол на Лео, Аргентина убедлива против Уругвај

Лионел Меси ја започна гол серијата на Аргентина против Уругвај (3:0)/Буенос Аирес, Аргентина/10 октомври 2021/Фото: EPA-EFE/Matias Napoli

Доцна синоќа продолжија натпреварите во јужноамериканските квалификации за пласман на Светското првенство, во дербито Аргентина без поголеми проблеми со 3:0 го совлада Парагвај.

Тоа беше дуел помеѓу двајца поранешни соиграчи од Барселона, Лионел Меси на аргентинска и Луис Суарез на уругвајска страна, на крајот Меси излезе како победник.

А токму Лео го постигна првиот гол за „гаучосите“, дефинитивно еден од најчудните во својата долга и богата кариера. Се играше 38 минута кога Меси имаше намера да го пронајде Николас Гонзалез кој се обиде да ја зафати топката која се одби од земја и тоа како да го измами голманот Фернандо Муслера.

Претходно Уругвајците имаа шанса во 21 минута да дојдат во предност, но ударот на Суарез од седум-осум метри го одбрани Емилијано Мартинез.

До паузата Аргентина го зголеми водството, Родриго Де Пол во 44 минута го искористи додавањето на Лаутаро Мартинез, а токму асистентот го постави и конечниот епилог во 62 минута за вкупно шести триумф во овие квалификации.

Во другите мечеви Чиле со 2:0 беше подобар од Парагвај, Боливија со 1:0 го совлада Перу, Венецуела славеше над Еквадор (2:1), а беше прекината победничката серија на Бразил кој одигра 0:0 против Колумбија на гостински терен.

Табела: Бразил 28 бодови, Аргентина 22, Еквадор 16, Уругвај 16, Колумбија 15, Парагвај 12, Перу 11, Чиле 10, Боливија 9, Венецуела 7.

Видео на денот