Познатиот хрватски блогер Милош Самарџија на својот јутјуб-канал објави видео во кое ги сподели впечатоците од, како што вели, најубавиот град во Македонија – Охрид.  Милош го посети „Балканскиот бисер“ со своето семејство, тие ги пробаа македонските специјалитети, а особено му се допадна шопската салата, која, според него, е најубавата што ја пробал.

Милош ги сподели своите впечатоци и од градот и охридското крајбрежје, истакнувајќи дека Охридското езеро е премногу убаво. Тој беше воодушевен и од хигиената и атмосферата, испраќајќи порака дека Македонија има места кои се вредни за посета. Она што е интересно е дека тој одлично чита македонски.

Милош Самарџија е популарен хрватски блогер кој живее и работи во Канада како професионален возач на камион. Неговите видеа на Јутјуб привлекуваат големо внимание и има 114 илјади претплатници.