Руската полиција денеска соопшти дека трага по крадци кои украле техничка опрема од супер таен воен авион познат како „Авион на судниот ден”, дизајниран за нуклеарна војна.

Кражбата се случила за време на одржувањето промоцијата на Иљушин Ил-80 и покренува прашања за безбедноста на руските воени објекти. Тоа е пренаменет патнички авион што требаше да служи како команден пункт за високи офицери за време на Студената војна.

Кражбата беше откриена на почетокот на неделава од руските медиуми, кои пренесуваат дека траги од провала биле забележани на товарниот дел од авионот минатиот петок и дека биле одземени 32 електронски уреда.

Полицијата во јужниот регион Ростов извести дека авионот се наоѓал на аеродромот во градот Таганрог, но не прецизирале за какви уреди се работи, освен што вределе околу 13.600 американски долари.

Руски воени експерти претпоставуваат дека биле украдени затоа што содржат благородни метали, како што се злато и платина.

Инцидентот се случи во време кога претседателот Владимир Путин внесува огромни суми пари во руската војска, поради најлошите односи со Западот од крајот на Студената војна.