ВИДЕО: Нова серија која ќе ве оттргне од репризното гледање на „Сексот и градот“ или филмот „Ѓаволот носи Прада“
Можеби сте слушнале за серијата „The Bold Type“, која неодамна пристигна на „Нетфликс“ дека е меѓу 10-те најгледани, што не е изненадувачки. За среќа, снимени се веќе четири сезони, така што нема да чекате нетрпеливо да излезат нови епизоди доколку се „навлечете“ и на оваа серија.
View this post on Instagram
Во фокусот на оваа американска серија се три 20-годишни девојки, блиски пријателки кои работат во измисленото престижно модно списание „Scarlet“ во Њујорк. Според некои медиуми, серијата била инспирирана од поранешната уредничка на американскиот „Космополитен“, Џоана Колс, која исто така е извршен продуцент, а нејзините иницијали биле користени за името и презимето на уредникот во серијата – Џаклине Карлајл.
Сепак, за разлика од филмот „Ѓаволот носи Прада“, во кој главната уредничка, неофицијално инспирирана од Ана Винтур, е прикажана како „страв и трепет“ за целата редакција, но и на сите луѓе кои работат со неа, во оваа серија нема такви ситуации. Всушност, водечката мисла е дека жените треба да се поддржуваат меѓусебно, во сите аспекти од нивниот живот, па затоа е вистинско освежување да се гледа.
View this post on Instagram
Главните улоги во серијата се Џејн Слоун (Кети Стивенс), помошникот стилист Сатен Брејди (Меган Феј) и уредникот на социјалните мрежи Кет Едисон (Ајша Ди), секогаш совршено облечени и подготвени за луд ноќен живот во Њујорк.
Особено во овие денови, кога дел од луѓето ширум светот работат од дома поради пандемијата ова ќе биде убава забава по работниот ден.